სიახლეები

ეუთოს სადამკვირვებლო მისია იმერეთში

13 ოქტომბერი, 2020

იმერეთში სახელმწიფო რწმუნებული ზვიად შალამბერიძე ეუთოს სადამკვირვებლო მისიის წარმომადგენლებს: თომას ჰაგს, ნარვე რიოს და მელანი ლეზერს შეხვდა. მხარეებმა წინასაარჩევნო გარემოზე ისაუბრეს, ასევე იმსჯელეს თუ რამდენად დემოკრატიულად მიმდინარეობს პროცესები და რა ხარვეზებია გამოვლენილი ამ დრომდე.

„ჩვენი მიზანია, რომ ჩავატაროთ რაც შეიძლება გამჭვირვალე არჩევნები, სადაც დაცული იქნება ყველა ადამიანის კონსტიტუციური უფლება, რომ გააკეთოს საკუთარი არჩევანი დამოუკიდებლად და მშვიდ გარემოში. გარდა ამისა, ძალიან დიდი გამოწვევაა კოვიდ - 19, არჩევნებამდეც და უშუალოდ არჩევნების დღეს მაქსიმალურად უნდა უზრუნველვყოთ ჩვენი მოაქალაქეების ჯანმრთელობის უსაფრთხოება“ - განაცხადა ზვიად შალამბერიძემ.

შეხვედრაზე აღინიშნა, რომ ამ ეტაპზე იმერეთის 12 - ვე მუნიციპალიტეტში წინასაარჩევნო პროცესები მშვიდ გარემოში, მნიშვნელოვანი დარღვევების გარეშე მიმდინარეობს.