ქუთაისში რეაბილიტირებული სპორტული კომპლექსი გაიხსნა

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ქუთაისში რეაბილიტირებული სპორტული კომპლექსი გაიხსნა

24 ივლისი, 2020

ქუთაისში, "ჭომის" დასახლებაში, სპორტული კომპლექსის რეაბილიტაცია დასრულდა.

სტადიონის გახსნის ცერემონიალს იმერეთში სახელმწიფო რწმუნებულის პირველი მოადგილე იოსებ ხახალეიშვილი, ქუთაისის მერის მოვალეობის შემსრულებელი დავით ერემეიშვილი და საკრებულოს თავმჯდომარის მოვალეობის შემსრულებელი ირაკლი შენგელია ვეტერან ფეხბურთელებთან ერთად ესწრებოდნენ.

ღონისძიების სტუმრები იყვნენ: ალექსანდრე ჩივაძე, თენგიზ სულაქველიძე, დათო მუჯირი, რევაზ ჩელებაძე, შოთა ოქროპირაშვილი, გიორგი გვაძაბია, გია გიორგაძე, იური და ალეკო კვერნაძეები, ვლადიმერ შელია. დღესვე, გაიმართა სიმბოლური მატჩი, რომელშიც მოზარდ ფეხბურთელთა გუნდმა მიიღო მონაწილეობა.

სპორტული კომპლექსის რეაბილიტაციის შედეგად მოწესრიგდა გასახდელები, სველი წერტილები, ტრიბუნები და მოედნის სანიაღვრე არხი. გარდა ამისა, შეიცვალა განათების სისტემა. მოედნის მოცულობა საშუალებას იძლევა საწვრთნელი პროცესის დროს მოემსახუროს 30 პერსონას, ღონისძიებების დროს კი - 200 ადამიანს.