იმერეთში სახელმწიფო რწმუნებულმა ზვიად შალამბერიძემ აშშ-ს დამოუკიდებლობის დღე მიულოცა

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

იმერეთში სახელმწიფო რწმუნებულმა ზვიად შალამბერიძემ აშშ-ს დამოუკიდებლობის დღე მიულოცა

4 ივლისი, 2020

ჩემო ამერიკელო მეგობრებო, გილოცავთ ამერიკის დამოუკიდებლობის დღეს, ეს დღე მნიშვნელოვანია დანარჩენი მსოფლიოსთვისაც, რადგან ამერიკის შეერთებული შტატების სტაბილურობას და წარმატებას, მსოფლიოს უსაფრთხოებასა და განვითარებაში ძალიან დიდი როლი აქვს. ეს დღე ასოცირდება თავისუფლებასთან, ღირებულებათა და პრინციპების ერთობლიობასთან და ეს არის ის, რაც ყველა დემოკრატიული ქვეყნისთვის ფასეულია.

ამერიკა ყოველთვის იყო ქართველი ხალხის და ქართული სახელმწიფოს გვერდით და ეს ურთიერთობები ყოველწლიურად უფრო და უფრო ღრმავდება. საქართველოში აშშ-ის საელჩოს და USAID-ის დახმარებით ქვეყნის მასშტაბით ბევრი რამ კეთდება და რამდენიმე მნიშვნელოვანი პროექტი განხორციელდა იმერეთის რეგიონშიც, რისთვისაც ძალიან დიდ მადლობას გადავუხდი მათ, დარწმუნებული ვარ, ჩვენი თანამშრომლობა მომავალშიც წარმატებით გაგრძელდება.