სახელმწიფო რწმუნებულის ადმინისტრაცია

 2020 წელს იმერეთში ინფრასტრუქტურული პროექტების დასაფინანსებლად 106, 071,738.6 ლარია გამოყოფილი და ჯამში 1 765 პროექტი განხორციელდება. მიმდინარე წელს სხვა მიმართულებებთან ერთად, პრიორიტეტულია სკოლების მშენებლობა-რეაბილიტაცია. რეგიონში 191 სკოლას ჩაუტარდება რეაბილიტაცია და ამ მიმართულებით 9,020,000.00 ლარი დაიხარჯება.

 ასევე, იმერეთის რეგიონში სოფლის მხარდაჭერის პროგრამის ფარგლებში აქტიურად მიმდინარეობდა შეხვედრები. მხარის მასშტაბით 531 სოფელში გაიმართა კრება - კონსულტაცია, რის შემდეგაც მოსახლეობის მიერ 928 პროექტი იქნა შერჩეული და ყველა მათგანი 2020 წელს განხორციელდება.

 ამ ეტაპზე იმერეთის რეგიონში 105 ობიექტზე მიმდინარეობს სამუშაოები, რომლებზეც 400-ზე მეტი ადგილობრივია დასაქმებული.