სახელმწიფო რწმუნებულის ადმინისტრაცია

დღეს იმერეთის სამხარეო ადმინისტრაციამ პოლონეთის დელეგაციას უმასპინძლა. შეხვედრას იმერეთში სახელმწიფო რწმუნებული–გუბერნატორი გივი ჭიჭინაძე, პირველი მოადგილე პაატა ნადირაძე, ვიცე–გუბერნატორები: იოსებ ხახალეიშვილი და გიორგი ჭიღვარია და კუიევო პომერანიის გუბერნიის ადმინისტრაციის წარმომადგენლები ესწრებოდნენ.

მხარეებმა იმერეთის და კუიევო პომერანიის რეგიონებს შორის არსებული ურთიერთობების გაღრმავებაზე ისაუბრეს. პოლონეთის რესპუბლიკისთვის საქართველოში განსაკუთრებით პრიორიტეტულია სამი მიმართულება: სიღარიბისა და უმუშევრობის დაძლევა, სოფლის მეურნეობა და განათლება. აღნიშნულ სფეროებში ორ რეგიონს შორის ერთობლივი პროექტების განხორციელება იგეგმება.

შეხვედრის ბოლოს მხარეები მჭიდრო თანამშრომლობის გაგრძელებაზე შეთანხმდნენ და ერთმანეთს სამსახსოვრო საჩუქრები გადასცეს.