სახელმწიფო რწმუნებულის ადმინისტრაცია

იმერეთში სახელმწიფო რწმუნებულმა ზვიად შალამბერიძემ ტყიბულის მუნიციპალიტეტის სოფელ კორეეთში მარტოდ მცხოვრებ ავთანდილ მხეიძეს შობა-ახალი წელი მიულოცა. იგი ერთადერთი ადამიანია, რომელიც აღნიშნულ სოფელში ხვდება 2020 წელს. ავთანდილ მხეიძე თითქმის 30 წელია, კორეეთში ცხოვრობს და სოფელი არასდროს დაუტოვებია.

"ახალი წელი მივულოცე ჩვენი რეგიონის ყველაზე მცირეკომლიან სოფელში მცხოვრებ ერთ ადამიანს. უკვე წლებია, ბატონი ავთო სოფელ კორეეთის ისტორიას მარტო წერს და ერთი წუთით არ უფიქრია საცხოვრებლად სხვაგან წასვლაზე. ეს არის ადამიანი, რომელმაც ათეული წლის წინ დატოვა ქალაქი და სოფლის მეურნეობის განვითარება დაიწყო და დღესაც აქტიურად მიყვება მეცხოველეობის დარგს. მადლობა ბატონ ავთოს, რომ არ ტოვებს წინაპრების დატოვებულ სახლ-კარს და აძლიერებს სოფელს", - განაცხადა ზვიად შალამბერიძემ.