სახელმწიფო რწმუნებულის ადმინისტრაცია

იმერეთის მხარეში სახელმწიფო რწმუნებულის პირველი მოადგილე იოსებ ხახალეიშვილი, ვანისა და ხონის მაჟორიტარი დეპუტატი გივი ჭიჭინაძე და ვანის მუნიციპალიტეტის მერი ალექსანდრე გოგორიშვილი სოფელ მუქედის, ამაღლების, ზეინდარის, სალომინაოს და ფერეთას მოსახლეობას შეხვდნენ.

სამთავრობო გუნდის წევრები ადგილზე გაეცნენ სოფლებში არსებულ პრობლემებს და საჭიროებებს.

მოსახლეობის მხრიდან ძირითად პრიორიტეტებად შიდა საუბნო გზების რეაბილიტაცია, გარე განათების მოწყობა, სასმელი წყლის მიწოდება, საჯარო სკოლის სპორტული დარბაზის რეაბილიტაცია და ტყეკაფის ჭრასთან დაკავშირებული საკითხების მოგვარება დასახელდა.