სახელმწიფო რწმუნებულის ადმინისტრაცია

ქუთაისის აკაკი წერეთლის სახელობის პირველ საჯარო სკოლაში წარჩინებულ მოსწავლეებს კომპიუტერები გადაეცათ. საბაზისო საფეხურის მე-9 კლასის წარმატებით დასრულებისთვის იმერეთიდან სულ 812 მოსწავლე დაჯილდოვდა.

იმერეთში სახელმწიფო რწმუნებულის პირველმა მოადგილემ იოსებ ხახალეიშვილმა, ქუთაისის მერმა გიორგი ჭიღვარიამ, საკრებულოს თავმჯდომარის მოადგილემ რამაზ ჩხიკვაძემ და განათლების რესურსცენტრის ხელმძღვანელმა მაია ცქიტიშვილმა, წარჩინებულ მოსწავლეებს განათლების სამინისტროს ჯილდო გადასცეს.

განათლების სამინისტროს საგანმანათლებლო და სამეცნიერო ინფრასტრუქტურის განვითარების სააგენტო წარჩინებული მოსწავლეებისთვის კომპიუტერებს მთელი ქვეყნის მასშტაბით არიგებს.