სახელმწიფო რწმუნებულის ადმინისტრაცია

იმერეთში სახელმწიფო რწმუნებულის პირველი მოადგილე იოსებ ხახალეიშვილი ახალგაზრდობის სააგენტოს წარმომადგენლებს შეხვდა. შეხვედრაზე განიხილეს ახალგაზრდული მიმართულებით არსებული რეფორმები, ასევე იმსჯელეს სააგენტოს მომავალ გეგმებზე, სტრატეგიაზე და მუნიციპალიტეტებთან თანამშრომლობის საკითხებზე.

მხარის 12-ვე მუნიციპალიტეტის წარმომადგენელმა სააგენტოს თანამშრომლებს ის პრიორიტეტები გააცნეს, რომლებიც მათ რაიონებში მცხოვრები ახალგაზრდებისთვის მნიშვნელოვანია. თავის მხრივ კი სააგენტომ გამოთქვა მზაობა, რომ თითოეულ მუნიციპალიტეტს გრანტების მოპოვებაში გაუწევს დახმარებას, რის შემდეგაც თანადაფინანსებით მოხდება მათთვის სასურველი პროექტის განხორციელება.