სახელმწიფო რწმუნებულის ადმინისტრაცია

"ძალიან მნიშვნელოვანი შეხვედრა გვქონდა ქუთაისის ტურიზმის სფეროს წარმომადგენლებთან. რა თქმა უნდა, ქუთაისში და იმერეთში ტურიზმი დინამიურად ვითარდება, თუმცა მას შემდეგ, რაც წყალტუბოს აღორძინების პროექტის შესახებ გახდა ცნობილი, ინტერესი იმდენად გაიზარდა, რომ ვფიქრობ, ეს მიმართულება მხარეში ძალიან სწრაფად განვითარდება. მოვისმინეთ ის პრობლემები, რაც ამ სფეროში დასაქმებულ ადამიანებს აწუხებთ, ჩვენ რა თქმა უნდა, ამ პრობლემებზე რეაგირებას მყისიერად მოვახდენთ და გამოვასწორებთ იმ ხარვეზებს, რაც მათ სწორ და გამართულ მუშაობაში ხელს უშლის. გაკეთდება ყველაფერი იმისთვის, რომ ჩამოსული ტურისტები რაც შეიძლება დიდხანს დარჩნენ ჩვენს რეგიონში. ამასთან, გაძლიერდება მონიტორინგი, რომ ტურისტებმა და არა მარტო მათ, მაქსიმალურად ხარისხიანი მომსახურება მიიღონ ყველა მიმართულებით. გარდა ამისა, მომავალი წლიდან ქალაქში მუნიციპალური ავტობუსები დაიწყებენ მოძრაობას, მათ შორის აეროპორტის მიმართულებით", - განაცხადა შალამბერიძემ.

გარდა ამისა, შეხვედრაზე საუბარი შეეხო ახალი ტურისტული პროდუქტების შექმნას, ღვინის ტურიზმისა და კულინარიის, სამედიცინო და გამაჯანსაღებელი ტურიზმის განვითარებას. აღნიშნული ტიპის შეხვედრები ტურიზმის სფეროს წარმომადგენლებთან მომავალშიც გაგრძელდება.