სახელმწიფო რწმუნებულის ადმინისტრაცია

პროექტ „ღია შეხვედრები“ - ს ფარგლებში, სოფელ გეზრულის, თვალუეთის, ცხრუკვეთისა და სვერის მცხოვრებლების პირველადი საჭიროებების იდენტიფიცირება მოხდა. მოსახლეობის პრობლემების გასაცნობად, ადგილზე, იმერეთში სახელმწიფო რწმუნებულის პირველი მოადგილე იოსებ ხახალეიშვილი, ჭიათურის მერი გივი მოდებაძე, მაჟორიტარი დეპუტატი სულხან მახათაძე და საკრებულოს თავმჯდომარე ალექსანდრე ციცქიშვილი ჩავიდნენ.

ადგილობრივებმა სამთავრობო გუნდის წარმომადგენლებს მათი პრიორიტეტების შესახებ მიაწოდეს ინფორმაცია, ძირითადად: ამბულატორიის, შიდა საუბნო გზების, საშეშე მერქნის მოპოვებისა და სასმელი წყლით მომარაგების საკითხების აწუხებთ. აღნიშნული პრობლემები ჭიათურის 2020 წლის ბიუჯეტში იქნება გათვალისწინებული.