სახელმწიფო რწმუნებულის ადმინისტრაცია

იმერეთში სახელმწიფო რწმუნებული ზვიად შალამბერიძე, პირველი მოადგილე იოსებ ხახალეიშვილი და მოადგილე ლევან კიკნაველიძე, მსოფლიო ბალეტის ქართველ ვარსკვლავს ირმა ნიორაძესა და ქუთაისის ჯორჯ ბალანჩინის მე-3 საერთაშორისო ქორეოგრაფიული ფესტივალის მონაწილეებს შეხვდნენ.

მხარეებმა ქუთაისსა და იმერეთის რეგიონში, კულტურის სფეროს გამოცოცხლებასა და ამ მიმართულების განვითარების აუცილებლობაზე ისაუბრეს.

შეხვედრაზე ქუთაისში პროფესიული საბალეტო სკოლის გახსნის საკითხი დაისვა და ასევე, მხარის რწმუნებულმა ქალაქში კულტურული ობიექტების რეაბილიტაციაზე გაამახვილა ყურადღება.