სახელმწიფო რწმუნებულის ადმინისტრაცია

იმერეთში სახელმწიფო რწმუნებულის პირველმა მოადგილემ იოსებ ხახალეიშვილმა, ჭიათურის მერმა გივი მოდებაძემ და ადგილობრივი ხელისუფლების წარმომადგენლებმა პედაგოგებს პროფესიული დღე მიულოცეს და მუნიციპალიტეტის საჯარო სკოლების წარმატებულ მასწავლებლებს საპატიო სიგელები გადასცეს. ხელისუფლების წევრებმა პედაგოგებს გაწეული საქმიანობისთვის მადლობა გადაუხადეს და წარმატებები უსურვეს.

აკაკი წერეთლის სახელობის პროფესიულ-დრამატულ თეატრში პედაგოგების დღისადმი მიძღვნილი ღონისძიება გაიმართა, რომელშიც მონაწილეობა მიიღო ადგილობრივმა ანსამბლებმა და შემოქმედებითმა ჯგუფებმა.