სიახლეები

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

შეხვედრა ჰუალინგ თიზ - ის დელეგაციასთან

23 სექტემბერი, 2019

იმერეთში სახელმწიფო რწმუნებული ზვიად შალამბერიძე, პირველი მოადგილე იოსებ ხახალეიშვილი, მოადგილე ლევან კიკნაველიძე და ქუთაისის მერი გიორგი ჭიღვარია, ჰუალინგის თავისუფალი ინდუსტრიული ზონის (თიზ-ი) წარმომადგენლებს შეხვდნენ. შეხვედრა გაცნობითი ხასიათის იყო, მხარეებმა არსებული კავშირების გაღრმავებასა და განვითარების შემდგომ გეგმებზე ისაუბრეს.

საწარმოო და სავაჭრო კომპანია უკვე ეფექტურად სარგებლობენ ჰუალინგის თიზ-ის უპირატესობებით. აღნიშნულ ზონაში ფუნქციონირებს ხის, ავეჯის, ქვის გადამამუშავებელი ქარხნები, სამშენებლო მასალების, ფერო-შენადნობების, სპირტის საწარმოო პროექტები, ასევე IT და სავაჭრო კომპანიები.

ჰუალინგის თიზ-ი ასევე, აქტიურად აგრძელებს მუშაობას უცხოეთის ბაზრებზე სხვადასახვა მიზნობრივი სეგმენტის კომპანიების მოზიდვის მიზნით და ინვესტორთათვის აუცილებელი ინფრასტრუქტურის განვითარების მიმართულებით. 2019 წელს ხელი მოეწერა და ტექნიკური მოსამზადებელი სამუშაოების განხორციელების შემდგომ დაიწყება პლასტმასის გადამუშავების 2 ქარხნისა და ხის კარების წარმოების პროექტები. თიზ-ი განვითარების მასშტაბებიდან გამომდინარე, არსებული ტერიტორიის გაფართოებას გეგმავს. აღნიშნულ საქმეში იმერეთის მხარისა და ქუთაისის ადგილობრივი ხელისუფლების წარმოადგენლები ჰუალინგ ჯგუფის წევრებს თანამშომლობასა და დახმარებას დაჰპირდნენ.