სახელმწიფო რწმუნებულის ადმინისტრაცია

მოსახლეობასთან შეხვედრები იმერეთის რეგიონში აქტიურად მიმდინარეობს. დღეს მხარის რწმუნებული ზვიად შალამბერიძე, მუნიციპალიტეტის მერთან, ვალერი ფოცხვერიასთან და ადგილობრივი ხელისუფლების წარმომადგენლებთან ერთად, სამტრედიის 3 სოფელში-ჯიხაიშში, ტოლებსა და გორმაღალში იმყოფებოდა.

ხელისუფლების წარმომადგენლებმა ადგილობრივებთან , ღია დიალოგის ფარგლებში, იმ საჭიროებებსა და პრობლემებზე იმსჯელეს, რომელიც მოსახლეობის მთავარ გამოწვევას წარმოადგენს.

როგორც ირკვევა, მოსახლეობისთვის კვლავ პრიორიტეტად რჩება შიდა საუბნო და ქალაქთან დამაკავშირებელი გზების მოწესრიგება. ასევე, წყლის სისტემის რეაბილიტაცია და სხვადასხვა მიმართულების ინფრასტრუქტურული სამუშაოების განხორციელება.