სახელმწიფო რწმუნებულის ადმინისტრაცია

საერთაშორისო მასშტაბის დახურულ ტურნირში, სწრაფ ჭადრაკში, მონაწილეობას იღებს მსოფლიოს და საქართველოს 10 საუკეთესო მოჭადრაკე ქალი. მათ შორის ევროპის 2-გზის ჩემპიონი ქალთა შორის, მსოფლიოს ჩემპიონატების და მსოფლიო საჭადრაკო ოლიმპიადების მრავალგზის პრიზიორი უკრაინელი საერთაშორისო დიდოსტატი ნატალია ჟუკოვა, საქართველოს ქალთა ეროვნული ნაკრების წევრები: მსოფლიოს, ევროპის და მსოფლიო საჭადრაკო ოლიმპიადების გამარჯვაბულები და პრიზიორები, საქართველოს უძლიერესი ს/დიდოსტატი ქალები -ნანა ძაგნიძე, მაია ლომინეიშვილი, ბელა ხოტენაშვილი, ნინო ბაციაშვილი, მერი არაბიძე, ლელა ჯავახიშვილი, სალომე მელია, ქეთევან კახიანი-გერშინსკა და აზერბაიჯანის ნაკრების ლიდერი ზეინაბ მამედიაროვა.

ცნობილი ქართველი ს/დიდოსტატი ნინო ხურციძე იყო ქართული საჭადრაკო ოჯახის ერთ-ერთი თვალსაჩინო წარმომადგენელი, რომელიც მძიმე დაავადების გამო ახალგაზრდა ასაკში გარდაიცვალა. ნინო ხურციძე იყო ევროპისა და მსოფლიოს ახალგაზრდული ჩემპიონატების მრავალგზის გამარჯვებული, 5 მსოფლიოს საჭადრაკო ოლიმპიადის, 3 მსოფლიოს გუნდური ჩემპიონატის, 7 ევროპის ჩემპიონატის მონაწილე და საქართველოს 6-გზის ჩემპიონი.