სახელმწიფო რწმუნებულის ადმინისტრაცია

მინი ფეხბურთში „რწმუნებულის თასი“-ს გათამაშების ჯგუფური ეტაპი დასრულდა და ნახევარფინალის მონაწილე გუნდები გამოვლინდნენ. ქვეჯგუფებში პირველი ადგილები დაიკავეს: ჭიათურის, ბაღდათისა და სამტრედიის მუნიციპალიტეტების გუნდებმა, ხოლო საუკეთესო მეორეადგილოსანი გახდა ხონის თვითმმართველობის გუნდი.

1 სექტემბერს გაიმართება ნახევარფინალური მატჩები, რომელშიც ერთამანეთს დაუპირისპირდებიან ბაღდათისა და ხონის, ჭიათურისა და სამტრედიის გუნდები. ფინალი კი 7 სექტემბერს ტყიბულის სპორტის სასახლეში ჩატარდება.

შეგახსენებთ, რომ იმერეთში სახელმწიფო რწმუნებულის ადმინისტრაციის ინიციატივითა და მუნიციპალიტეტების მხარდაჭერით, ტურნირი 21 ივლისს გაიხსნა. აღნიშნული ინიციატივა მიზნად ისახავს ჯანსაღი ცხოვრების პოპულარიზაციას.