სახელმწიფო რწმუნებულის ადმინისტრაცია

იმერეთის მხარეში სახელმწიფო რწმუნებული ზვიად შალამბერიძე, საქართველოს პარლამენტის წევრი, გარემოს დაცვისა და ბუნებრივი რესურსების კომიტეტის თავმჯდომარე კახა კუჭავა, საქართველოს რეგიონალური განვითარებისა და ინფრასტრუქტურის მინისტრის მოადგილე გიგა კაცია, თერჯოლა-ტყიბულის მაჟორიტარი დეპუტატი ელგუჯა გოცირიძე, თერჯოლის მუნიციპალიტეტის მერი ბონდო სოფრომაძე და საკრებულოს თავმჯდომარე ნინო ჯანელიძე თერჯოლის მუნიციპალიტეტის სოფლების: ნახშირღელის, ქვედა და ზედა სიმონეთის მოსახლეობას შეხვდნენ

შეხვედრები, რომელიც იმერეთის მაშტაბით მიმდინარეობს, მიზნად ისახავს მოსახლეობის პრობლემების ადგილზე გაცნობასა და მოგვარების გზების მოძიებას.

ხელისუფლების წარმომადგენლებმა შეხვედრებზე დასმულ კონკრეტულ კითხვებს უპასუხეს და განმარტეს, თუ რა პროექტებს განახორციელებს ადგილობრივი ხელისუფლება მომდევნო წელს თითოეულ სოფელში. პრიორიტეტები მოსახლეობასთან ერთად განისაზღვრება და 2020 წლის ბიუჯეტში იქნება ასახული.