სახელმწიფო რწმუნებულის ადმინისტრაცია

საქართველოს პრემიერ მინისტრმა, მამუკა ბახტაძემ ქუთაისში, მზის ენერგიის მოდულების მწარმოებელი გერმანული ქარხნა გახსნა. ცერემონიას იმერეთში სახელმწიფო რწმუნებულის მოადგილეები: ზვიად შალამბერიძე და იოსებ ხახალეიშვილი, ქუთაისის ადგილობრივი ხელისუფლებისა და სხვადასხვა კომპანიის წარმომადგენლები ესწრებოდნენ.

სიტყვით გამოსვლისას მთავრობის მეთაურმა აღნიშნა, რომ მნიშვნელოვანია, ქვეყანა იყოს ფოკუსირებული მაღალტექნოლოგიურ წარმოებაზე და მზის ენერგიის მოდულების მწარმოებელი ქარხანა სწორედ ასეთი ტიპის საწარმო იქნება. პრემიერ-მინისტრის თქმით, საწარმო, დაამზადებს მზის პანელებს და მოამარაგებს ისეთ მნიშვნელოვან ბაზრებს, როგორიცაა ევროკავშირი, ამერიკის შეერთებული შტატები და ახლო აღმოსავლეთი.