სახელმწიფო რწმუნებულის ადმინისტრაცია

2 აპრილს აუტიზმის შესახებ ცნობადობის ამაღლების მსოფლიო დღე აღინიშნება. ამ დღესთან დაკავშირებით იმერეთის რეგიონში არაერთი ღონისძიებაა დაგეგმილი. იმერეთში სახელმწიფო რწმუნებულის პირველი მოადგილე ზვიად შალამბერიძე წყალტუბოში ჩავიდა, ბავშვებთან ერთად აქტივობებში ჩაერთო და წყალტუბოს მუნიციპალიტეტის ხელმძღვანელებთან ერთად მათ სიმბოლური საჩუქრები გადასცა.

გაერთიანებული ერების ორგანიზაციის ინიციატივით, ყოველი წლის 2 აპრილს აღინიშნება აუტიზმის შესახებ ცნობადობის ამაღლების მსოფლიო დღე.ამ დღეს იმერეთის რეგიონიც უერთდება და მისი მიზანია, გაიზარდოს აუტიზმის შესახებ ქართული საზოგადოების ინფორმირებულობა და უზრუნველყონ აუტიზმის მქონე ადამიანების ფუნდამენტური უფლებების რეალიზება.