სახელმწიფო რწმუნებულის ადმინისტრაცია

იმერეთში სახელმწიფო რწმუნებულმა, შავლეგო ტაბატაძემ საქართველოში უკრაინის ელჩი, იგორ დოლგოვი მიიღო. მხარის რწმუნებულმა ელჩს შეხვედრაზე რეგიონის საინვესტიციო გარემოსა და ტურისტული პოტენციალის შესახებ მიაწოდა ინფორმაცია. ასევე, ესაუბრა სამომავლოდ ერთობლივი პროექტების მნიშვნელობაზე, განსაკუთრებული ყურადღება კი ახალგაზრდების გაცვლით პროგრამებში ჩართვაზე გაამახვილა. შეხვედრაზე გაჟღერდა ინიციატივა იმერეთში ბიზნეს ფორუმის ჩატარებაზეც, სადაც წარმოდგენილი იქნება პრეზენტაცია რეგიონის საინვესტიციო შესაძლებლობებზე. საქართველოში უკრაინის ელჩმა აღნიშნა, რომ მზად არის მხარეებს შორის ურთიერთთანამშრომლობა უფრო ნაყოფიერი იყოს.

შეხვედრას იმერეთში სახელმწიფო რწმუნებულის მოადგილე იოსებ ხახალეიშვილი ესწრებოდა.