სახელმწიფო რწმუნებულის ადმინისტრაცია

,,ზესტაფონის შემდეგ ათასწლეულის გამოწვევის ფონდის მიერ რეაბილიტირებული სკოლები ქუთაისშიც გავხსენით. ამ ეტაპისთვის 17 სკოლიდან 4 ექსპლუატაციაში უკვე შევიდა და სასწავლო პროცესი ახალ, თანამედროვე სტანდარტების შესაბამის გარემოში განახლდა. დღეიდან 36–ე და 30–ე სკოლის მოსწავლეები, პედაგოგები და ადმინისტრაციის თანამშრომლები კომფორტულ გარემოში გააგრძელებენ მოღვაწეობას. პროგრამის ფარგლებში ქუთაისში კიდევ 6 სკოლის რეაბილიტაცია მიმდინარეობს და წელს დასრულდება. ჩვენი ხელისუფლება მაქსიმუმს აკეთებს, რომ მოწესრიგდეს სასკოლო ინფრასტრუქტურა და ეტაპობრივად მოხდეს სკოლების რეაბილიტაცია. აქვე მინდა გავაჟღერო ერთი კარგი ამბავი, 2019 წელს იმერეთის რეგიონში 10–მდე სკოლის მშენებლობა განხორციელდება. ცენტრალური ხელისუფლების დახმარებით იმ სოფლებში მოხდება აღნიშნული სკოლების მშენებლობა, სადაც ყველაზე რთული მდგომარეობა არის.