სიახლეები

დავითობა ქუთაისში

8 თებერვალი, 2019

8 თებერვალს დავითობა აღინიშნება. ქუთაისში ამ დღის აღსანიშნავად სხვადასხვა ღონისძიებები გაიმართა. იმერეთის რწმუნებულმა შავლეგო ტაბატაძემ ადგილობრივ ხელისუფლებასთან ერთად დავით აღმაშენებლის ძეგლი შეამკო და შემდეგ გელათში გამართულ აქტივობებს დაესწრო.

,,სრულიად საქართველოს ვულოცავ დავითობას. დავით აღმაშენებლის სახელს საქართველოს აღმავლობის ეპოქა - ქვეყნის გაერთიანება, აღმშენებლობა და დიდი საბრძოლო გამარჯვებები უკავშირდება. ოცდათექვსმეტწლიანი მმართველობის განმავლობაში შეძლო საქართველო რეგიონის უძლიერეს სახელმწიფოდ ექცია. მისი მოღვაწეობის პერიოდი არის ოქროს ხანა. ქვეყნისა და ერის წინაშე უდიდესი დამსახურებისთვის ქართულმა მართლმადიდებელმა ეკლესიამ დავით აღმაშენებელი წმინდანად შერაცხა. ეს დღე განსაკუთრებით ქუთაისში აღინიშნება და ჩვენ პატივი მივაგეთ ქართველი მეფის დავით აღმაშენებლის ძეგლს. ასევე, გელათის მონასტერში გვირგვინით შევამკეთ მისი საფლავი"– შავლეგო ტაბატაძე.