მუნიციპალიტეტები

დავით აღმაშენებლის ქუთაისის საერთაშორისო აეროპორტი

  • დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ნიკო ნიკოლაძის სახელობის სკოლა-ლიცეუმში ქართული ენის ოლიმპიადის პირველი ტურის გამარჯვებულების დაჯილდოების ცერემონია გაიმართა

4 აპრილი, 2015

ქუთაისის ნიკო ნიკოლაძის სახელობის სკოლა-ლიცეუმში ქართული ენის მე-8 რესპუბლიკური ოლიმპიადის პირველი ტურის გამარჯვებულების დაჯილდოების ცერემონია გაიმართა. ღონისძიებას იმერეთში სახელმწიფო რწმუნებულის-გუბერნატორის პირველი მოადგილე პაატა ნადირაძე და ვიცე-გუბერნატორი გიორგი ჭიღვარია ესწრებოდნენ. 

ქართული ენის ოლიმპიადის პირველ ტურში გამარჯვებულები ხუთ ნომინაციაში გამოვლინდნენ: საუკეთესო კალიგრაფი, საუკეთესო მკითხველი, ნორჩი გრამატიკოსი, საუკეთესო დეკლამატორი და საუკეთესო მუსიკალური ნომერი. გამარჯვებულებს სიგელები სკოლა-ლიცეუმისა და იმერეთის სამხარეო ადმინისტრაციის წარმომადგენლებმა გადასცეს.  ქართული ენის მე-8 რესპუბლიკური ოლიმპიადის პირველი ტურის გამარჯვებულები 5 აპრილს თბილისში, ოლიმპიადის მეორე ტურში მიიღებენ მონაწილეობას.

ნიკო ნიკოლაძის სახელობის სკოლა-ლიცეუმის დირექტორმა იმერეთში სახელმწიფო რწმუნებულის-გუბერნატორის ადმინისტრაციის წარმომადგენლებს სასწავლო დაწესებულების ინფრასტრუქტურა გააცნო და მხარეები სამომავლოდ მჭიდრო ურთიერთნამაშრომლობაზე შეთანხმდნენ.