სახელმწიფო რწმუნებულის ადმინისტრაცია

საქართველოს პრემიერ მინისტრი მამუკა ბახტაძე იმერეთის რეგიონს ესტუმრა. ვიზიტის ფარგლებში პრემიერ მინისტრი, თავდაცვის მინისტრთან ლევან იზორიასთან და იმერეთის გუბერნატორთან შავლეგო ტაბატაძესთან ერთად, სამხედრო ჰოსპიტალის ქუთაისის სამედიცინო ცენტრის გახსნის ცერემონიას დაესწრო. სამედიცინო ცენტრი თავდაცვის სამინისტროს სამხედრო მოსამსახურეთა სრულ ამბულატორიულ მომსახურებას უზრუნველყოფს.

ვიზიტის ფარგლებში მამუკა ბახტაძემ აკაკი წერეთლის სახელობის სახელმწიფო უნივერსიტეტის სამეცნიერო ბიბლიოთეკა დაათვალიერა, სადაც დაცულია სამეცნიერო და სასწავლო ლიტერატურა, ქართული და უცხოური უნიკალური გამოცემები და იშვიათი წიგნები. განსაკუთრებით აღსანიშნავია ინტეგრირებული საბიბლიოთეკო სისტემის ონლაინ-კატალოგის (OPAC) სერვისი, რომელიც საშუალებას აძლევს ბიბლიოთეკის აბონენტს მოიძიოს მისთის სასურველი ლიტერატურა ბიბლიოთეკაში მიუსვლელად და ონლაინ-კატალოგის ცირკულარი, რომლის საშუალებითაც აბონენტს შეუძლია დაჯავშნოს მისთვის სასურველი ლიტერატურა. გარდა ბიბლიოთეკისა, ახალ კორპუსში განთავსდა თანამედროვე საკონფერენციო დარბაზები და ოფისები უნივერსიტეტის სხვადასხვა საჭიროებებისათვის.