სახელმწიფო რწმუნებულის ადმინისტრაცია

იმერეთში სახელმწიფო რწმუნებულის-გუბერნატორის ადმინისტრაციაში წყალტუბოსა და სამტრედიის მუნიციპალიტეტების 2014 წლის ბიუჯეტის შესრულების შესახებ მოისმინეს ანგარიში. შეხვედრას მუნიციპალიტეტების საფინანსო-საბიუჯეტო სამსახურების უფროსები, საკრებულოების საფინანსო-საბიუჯეტო კომიტეტის თავმჯდომარეები და გამგებლის მოადგილეები ესწრებოდნენ, რომლებმაც სამხარეო ადმინისტრაციისგან მიმდინარე წლის ბიუჯეტის შესასრულებლად კონკრეტული რეკომენდაციები მიიღეს.

იმერეთის გუბერნიაში მსგავსი ტიპის შეხვედრები რეგიონის ყველა მუნიციპალიტეტის შესაბამისი სამსახურების წარმომადგენლებთან გაიმართება.