იმერეთში ვეტერან ფერმერებს სასოფლო-სამეურნეო ტექნიკა გადაეცათ

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

იმერეთში ვეტერან ფერმერებს სასოფლო-სამეურნეო ტექნიკა გადაეცათ

9 სექტემბერი, 2026

საქართველოს გარემოს დაცვისა და სოფლის მეურნეობის მინისტრი დავით სონღულაშვილი, იმერეთში სახელმწიფო რწმუნებულის მოადგილე ბესიკ გოფოძე, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე და საქართველოში თურქეთის რესპუბლიკის ელჩი მუსტაფა თურქერ არი ვეტერანი ფერმერებისთვის სასოფლო-სამეურნეო ტექნიკის გადაცემის ღონისძიებას დაესწრნენ.

ვეტერანების საქმეთა სახელმწიფო სამსახურისა და თურქეთის თანამშრომლობისა და კოორდინაციის სააგენტოს (TİKA) თანამშრომლობის ფარგლებში, იმერეთის რეგიონში მცხოვრებ ვეტერან ფერმერებს, რომლებიც სოფლის მეურნეობით არიან დაკავებული, 20 ხელის ტრაქტორი გადაეცათ.

ღონისძიებას ასევე ესწრებოდნენ ვეტერანების საქმეთა სახელმწიფო სამსახურის დირექტორის მოადგილეები და სამსახურის წარმომადგენლები, თურქეთის თანამშრომლობისა და კოორდინაციის სააგენტოს (TİKA) თბილისის ოფისის კოორდინატორი სალიჰ ოზერი, TİKA-ს წარმომადგენლები, იმერეთის მუნიციპალიტეტების მერები და ადგილობრივი თვითმმართველობების სხვა წარმომადგენლები.