სახელმწიფო რწმუნებულის ადმინისტრაცია

შეხვედრის მიზანი იყო ზოგადი და უმაღლესი განათლების რეფორმასთან დაკავშირებული სიახლეებისა და განსახორციელებელი ინიციატივების მშობლებისთვის გაცნობა.

 

შეხვედრაზე, რომელშიც ქუთაისის, სამტრედიის, ვანის, წყალტუბოსა და ხონის მუნიციპალიტეტების საჯარო სკოლების მოსწავლეთა მშობლები მონაწილეობდნენ, ისაუბრეს სხვადასხვა აქტუალურ საკითხზე, მათ შორის სასწავლო რესურსების ხარისხის გაუმჯობესებაზე, სასკოლო ფორმებზე, პირველკლასელთა რეგისტრაციაზე, ეროვნული გამოცდებისთვის რეგისტრაციასა და სახელმწიფო უნივერსიტეტებში უფასო სწავლის შესაძლებლობაზე.

მშობლებს შესაძლებლობა მიეცათ, მათთვის საინტერესო საკითხებზე ამომწურავი ინფორმაცია მიეღოთ.

 

შეხვედრას ესწრებოდნენ სამტრედიის, წყალტუბოს, ვანისა და ხონის მუნიციპალიტეტების დელეგატი გივი ჭიჭინაძე, საქართველოს პარლამენტის წევრი იმედა ნიკურაძე, სამტრედიის მუნიციპალიტეტის მერის პირველი მოადგილე ამირან თევდორაძე და სამტრედიის მუნიციპალიტეტის საკრებულოს თავმჯდომარის პირველი მოადგილე გია მეიშვილი.