სახელმწიფო რწმუნებულის ადმინისტრაცია

ბაღდათის #1 საჯარო სკოლა, რომელიც 250 მოსწავლეზეა გათვლილი, საერთაშორისო სტანდარტების შესაბამისად განახლდება და სრულად იქნება ადაპტირებული შეზღუდული შესაძლებლობის მქონე პირებისთვის.

სკოლაში მოეწყობა ყველა აუცილებელი შიდა და გარე სივრცე, საკლასო ოთახები, სპორტული მოედნები და ეზოს ტერიტორია. ასევე, ჩატარდება ენერგოეფექტურობის უზრუნველყოფისთვის აუცილებელი სამუშაოები - სახურავისა და კედლების დათბუნება, რაც ზამთრის პერიოდში ელექტროენერგიის დაზოგვას და სითბოს შენარჩუნებას უზრუნველყოფს. საჯარო სკოლის რეაბილიტაცია-მშენებლობის სამუშაოები მსოფლიო ბანკის ფინანსური მხარდაჭერით ხორციელდება.